Cпорт вазири ўринбосари яна бир федерацияда иш бошлади

Унда Спорт вазири ўринбосари Авазжон Каримов, Ўзбекистон дзюдо федерацияси раиси Азизжон Камилов, Тошкент шаҳар спорт бошқармаси бошлиғи Бекзод Убайдуллаев, Республика Олимпия ва паралимпия ўйинларига тайёрлаш маркази директори Аброр Мамадалиев, пойтахтда фаолият юритаётган спорт мактаб директорлари ва мураббийлар иштирок этди.

Йиғилиш аввалида Азизжон Камилов Тошкент шаҳри дзюдочиларининг мусобақалардаги иштироки кўнгилдагидек эмаслиги, терма жамоаларимиз таркибида пойтахтлик номзод дзюдочиларнинг камлигини танқид остига олди. Тошкент шаҳар спорт бошқармаси бошлиғи Бекзод Убайдуллаев ҳам бу фикрларга қўшимча тарзда потенциали юқори бўлган пойтахт дзюдосини янги босқичга кўтариш лозимлиги, бунинг учун талабчан раҳбар кераклигини таъкидлади. 

Шундан сўнг ташкилий масала кўрилди. Бошқа ишга ўтгани муносабати билан А.Ирчаев ўз лавозимидан озод этилди. Унинг ўрнига Спорт вазири ўринбосари Авазжон Каримов Ўзбекистон дзюдо федерациясининг Тошкент шаҳар бўлими раиси этиб сайланди. Йиғилиш қатнашчилари бир овоздан Авазжон Қудратиллаевичнинг номзодини маъқуллашди. 

Сўзга чиққан Авазжон Каримов муваффақиятга эришиш, Тошкент шаҳри дзюдосини янги босқичга кўтариш учун барча бирдек ҳаракат қилиши лозимлигини, бу борада ўз тажрибасини ишга солишини айтди. Биз ҳам ўз ўрнида Авазжон Қудратиллаевичга куч-қувват тилаймиз.