“CubaDomadores” – икки карра WSB турнири ғолиби!

Ўз тарихида олтинчи маротаба ўтказилган мусобақанинг бош мукофоти учун Кубанинг “Cuba Domadores” ҳамда Буюк Британиянинг “British Lionhearts” жамоалари рингга кўтарилишди.

Пойтахтимиздаги муҳташам “Ўзбекистон” спорт саройи мезбонлик қилган финал жанглари якунида кубалик боксчилар британиялик рақибларидан 9:1 ҳисобида устун келишди. Яъни, 10та жангнинг тўққизтасида Озодлик ороли вакилларининг қўли баланд келди.

Шу тариқа, “CubaDomadores” жамоаси икки карра WSB турнири ғолибига айланди. Ушбу мусобақада илк маротаба иштирок этган “Ўзбек йўлбарслари” жамоаси эса турнирнинг ярим финалида айнан Куба боксчиларига Гавана шаҳрида ўтказиладиган жангларда имкониятни бой берган эди.

ЖАНГ НАТИЖАЛАРИ:

“CubaDomadores” vs “BritishLionhearts”

49 кг: Аргилагос Жаханос – Яфай Галал - 3:0 (48:47, 49:46, 49:46)

52 кг: Вейтиа Ёсбани – Али Мухаммад - 2:1 (48:47, 49:46, 47:48)

56 кг: Ромирез Робейси – Мграил Питер - учинчи раундда техник нокаут

60 кг: Алварез Эстрада Лазаро – Маккормак Люк - 3:0 (50:45, 50:45, 50:45)

64 кг: Толедо Яшнир – Смит Далтон Грант - 3:0 (49:46, 49:46, 49:46)

69 кг: Эглесиас Рониэль – Эссуман Экоу - иккинчи раундда техник нокаут

75 кг: Лопес Арлен – Вильямсон Трой - учинчи раундда техник нокаут

81 кг: Ла Круз Жулио – Виттакер-Харт Томас - 3:0 (50:41, 50:41, 50:41)

91 кг: Эрисланди Савон – Околи Лауренс - биринчи раундда техник нокаут

+91 кг: Перо Жустиз Лениер – КЛАРК ФРАЗЕР – тўртинчи раундда техник нокаут