Даҳшат! Усикнинг даромади 22 баробар кўпайди. Александр ва Даниэль гонорар борасида рекорд ўрнатди

Усик супероғир вазнлилар орасида иккинчи марта мутлақ жаҳон чемпионига айланди. У IBF камаридан воз кечган эди. Бу камарни Дюбуа Энтони Жошуани мағлуб этгандан сўнг қўлга киритган эди. Энди эса Усик камарни қайта қўлга киритди. Боксчилар тўлиқ жанг ўтказмай туриб, катта гонорарларга эга бўлишди. 

Усик Фьюрига қарши жанглардан ҳам кўпроқ пул ишлади. Дюбуа учун ҳам бу рекорд гонорар бўлади

2023 йилнинг август ойидаги биринчи жанг Усикнинг муддатидан олдинги ғалабаси билан якунланган эди, аммо у жуда кўп баҳсларга сабаб бўлди. Бешинчи раундда Усик белдан паст зарбани ўтказиб юборган ва ерга ўтириб қолганди. Ҳакам унга 5 дақиқага яқин тикланиш имконини берди, лекин Дюбуадан очко олиб ташланмади. Кейинги раундларда Усик тўлиқ устунлик қилди: саккизинчи раундда Дюбуани нокдаунга учратди, тўққизинчи раундда эса нокаут қилди.

Усик жангни назорат қилди, лекин Дюбуа жуда кучли зарбалар билан жавоб қайтарди. Жангдан кейин Дюбуа ва унинг промоутери Фрэнк Уоррен ҳакамликни қаттиқ танқид қилди ва ҳатто WBA'га апелляция ҳам берилди. Лекин апелляция рад этилди.

Гонорарлар ҳақиқий "космос"

News Bet365 маълумотларига кўра, жанг учун умумий гонорар $203,5 миллионни ташкил этган.

Александр Усик — 65% ($132,28 миллион доллар), Даниэль Дюбуа — 35% ($71,22 миллион доллар) олди.

Бу маблағлар кафолатланган ва PPV (жангни пуллик томоша қилиш) фойдаларига боғлиқ эмас. Яъни натижа ва кўришлар сони қанча бўлиши муҳим эмасди — спортчилар учун бу кафолатланган сумма ҳисобланади. 

Бу икки боксчи учун ҳам бу фаолиятларидаги энг катта гонорар ҳисобланади.

Усик Тайсон Фьюрига қарши икки жангдан кейинги гонорарларини ҳам ортда қолдирди:

Фьюрига қарши биринчи жанг — $45 млн

Фьюрига қарши реванш — $114 млн

Дюбуа учун ҳам бу юқорига сакраш бўлди:

Жошуага қарши жанг учун олган гонорари — тахминан $13,5 млн

Энди эса Усикка қарши жанг учун — $71,22 млн

Унинг бу жанг учун олган гонорари Тайсон Фьюрининг реванш жангидан олган пулига яқин (тахминан $75 млн).

Усикнинг гонорари икки йилда 22 баробарга ўсди

2023 йилда Усик – Дюбуа жангидан Усик $6 млн, Дюбуа эса $2 млн олган эди.

Шунингдек, 2022 йилдаги Энтони Жошуага қарши жанг учун Усик $40 млн олгани айтилган.

Бундай ҳолатда Усикнинг сўнгги икки йилдаги даромади жуда катта ўсгани кўриниб турибди. Ҳолбуки, у аввал пулга эмас, тарихга кириш учун ишлаётганини айтган эди:

"Менда, шукрки, пул бор. Менда катта пул олиш устувор мақсад эмас. Мен учун асосий мақсад — жамоам билан бирга тарих ёзиш. Пул эса, шукрки, бўлади", — деган эди Усик биринчи жанг арафасида.

Усик тарихга кирди — у оғир вазнда икки карра мутлақ чемпион бўлган биринчи боксчига айланди. У Дюбуага қарши реваншда ғалаба қозониб, супероғир вазнда (учта ва ундан ортиқ камар мавжуд бўлган даврда) икки карра мутлақ чемпион бўлган тарихдаги биринчи боксчига айланди.

Дюбуа билан бўлган реванш — Усикнинг сўнгги уч йилдаги учинчи икки серияли жангидир (дилогия). Аввалроқ у Фьюри ва Жошуани ҳам икки мартадан мағлуб этганди.