Дам олиш кунини "Ҳумо Арена"да хоккей томоша қилиб ўтказинг: Тошкентда яна хитойликлар меҳмон

Муҳташам "Ҳумо Арена"да ВХЛ доирасида "Ҳумо" жамоаси Хитойнинг "КРС-БСУ" жамоасига қарши музга чиқади. 

Ушбу ўйинда мухлисларнинг қўллаб-қувватлашлари жамоамиз учун ҳар доимгиданда муҳим. Кеча Пекиннинг "Орджи" жамоасини 5:2 ҳисобида мағлуб этишда мухлисларнинг ҳиссаси катта. Ишонамизки, эртанги ўйинда ҳам "Ҳумо" ёлғиз қолмайди. 

Маълумот учун, "Ҳумо" айни пайтда ВХЛда 23 та ўйиндан сўнг 24 очко жамғарган ҳолда, 22-ўринни эгаллаб турибди. "КРС-БСУ" эса 24 та учрашувдан кейин 18 очко тўплаган ва 31-поғонадан жой олган. 

Демак, эртага соат 17:00да барчангизни "Ҳумо Арена"да кутиб қоламиз. Чипталарни арена кассаларидан харид қилиш мумкин. 

Айтганча, 17 ноябрь куни "Ҳумо Арена" атрофида йўллар тўсилган бўлади. Шу сабабли, хоккей томоша қилиш учун метрода бориш тавсия этилади. "Ўзбекистон" метроси аренага энг яқин станция ҳисобланади.