14 янв 19:07
Янгиликлар

Бокс/ММА

Дана Уайт бошчилигида ташкил этилган бокс Лигасининг илк турнири эълон қилинди

Мусобақада украиналик таниқли чарм қўлқоп устаси Сергей Богачук ҳамюртимиз Шаҳрам Ғиёсовнинг жамоадоши Ражаб Бутаев билан жанг қилиши мумкин.

UFC президенти Дана Уайт раҳбарлигидаги Zuffa Boxing ташкилоти ўзининг илк профессионал турнирини 23 январь куни АҚШнинг Невада штати, Лас-Вегас шаҳридаги UFC Apex мажмуасида ўтказади.

Мусобақанинг марказий баҳси ирландиялик Каллум Уолш ғамда Мексика вакили Карлос Окампо ўртасида кечади.

Беллашув супер ярим ўрта вазн тоифасида ўтказилади.

Маълумот учун, 24 яшар Уолш ҳозирга қадар 15 та жанг ўтказиб, барчасида рақибларидан устун келган. 30 ёшли тажрибали Окампо ҳисобида эса 38 та ғалаба ва 3 та мағлубият мавжуд.

Тасдиқланмаган маълумотларга кўра, Zuffa Boxing 1 оқшомида украиналик Сергей Богачук Россия вакили Ражаб Бутаев билан тўқнаш келади.