20 апр 08:46
Янгиликлар

Бокс/ММА

Дана Уайт Макгрегорнинг қайтиши ҳақида: "Ҳаммаси ажойиб кўринмоқда"

UFC раҳбари Дана Уайт беш йиллик танаффусдан сўнг шу ёзда фаолиятини тиклаши кутилаётган Конор Макгрегор билан музокаралар қандай кетаётгани ҳақидаги саволга жавоб берди.

"Ҳаммаси ажойиб кўринмоқда. Менга ишонинг - биз у билан расман келишув имзолаганимиздан сўнг, бу ҳақда дарҳол эълон қиламиз", - деди ташкилот раҳбари Виннипегдаги матбуот анжуманида.

Маълумотларга кўра, ирландиялик жангчи 11 июль куни Лас-Вегасда бўлиб ўтадиган UFC 329 турнирининг асосий тўқнашувида октагонга кўтарилади. Унинг энг эҳтимолий рақиби америкалик Макс Холлоуэй бўлиб турибди. Конор 2013 йилда ҳакамларнинг якдил қарори билан Максни мағлубиятга учратган эди.

Агар бу жанг ҳақиқатан ҳам амалга ошса, Конор Макгрегор Дастин Порье билан трилогиянинг сўнгги жангида оёғидан оғир жароҳат олганидан беш йилу бир кун ўтиб октагонга қайтади.