17 окт 14:10
Янгиликлар
Бокс/ММА
Дана Уайт яна бир бор Макгрегорнинг Оқ уйдаги UFC турнирида иштирок этишига тўхталди
UFC президенти Дана Уайт ирландиялик Конор Макгрегорнинг 2026 йилда Оқ уйда ўтказиладиган турнирда иштирок этиши мумкинлиги ҳақидаги саволга жавоб берди.
Октябрь ойи бошида Макгрегор антидопинг қоидасини бузгани учун 18 ойга дисквалификация қилингани маълум бўлганди. Уайтдан бу ҳолат ирландиялик атлетнинг мусобақада қатнашишига тўсқинлик қиладими, деб сўрашди.
"Биз турнир кардини февраль ойигача кўриб чиқмаймиз. Конор бўладими ёки йўқ, яхшиси, Жефф Новицки (UFC спортчилар саломатлиги ва хавфсизлиги бўйича вице-президенти) билан гаплашсангиз бўлади", деди Уайт матбуот анжуманида.
Аввалроқ, АҚШ президенти Дональд Трамп Оқ уйдаги UFC турнири 2026 йил 14 июнга режалаштирилганини айтганди. Конорнинг дисквалификация муддати эса келаси йилнинг март ойида ўз ниҳоясига етади.
Ҳавола :
Манба : championat.com
Фикрлар