Даниэль Дюбуа осиёлик боксчи билан жанг қилмоқчи, рақиб ҳам рози!

Британиялик боксчи хитойлик Чжан Чжилейга қарши рингга чиқиши мумкин. Sky Sports хабарига кўра, тегишли ташаббус Чжан вакиллари томонидан илгари сурилган ва Дюбуа билан ишлайдиган промоутер Фрэнк Уоррен томонидан маъқулланган.

"Чжан аниқ Дюбуа билан жанг қилишни хоҳлайди, - дея тасдиқлади хитойлик боксчининг менежери Терри Лейн. — Биз бу ҳақда Фрэнк Уорренга маълум қилдик ва умид қиламизки, жанг ташкиллаштирилади. Чжан Дюбуага қарши - бу бомба бўлади. Иккаласи ҳам мағлубиятдан кейин қайтишади. Лекин шунга қарамай, улар ҳамон дивизион элитасида туришибди. Шунинг учун ҳам бу жанг спорт маъносига эга".

Фрэнк Уоррен ўз навбатида эҳтимолий жангга қуйидагича изоҳ берди: "Дюбуанинг Чжан билан жангини кўришни истардим. Менимча, бу ажойиб жанг, менга ҳар томонлама ёқади. Мен чиндам ҳам бу тўқнашувни кўришни хоҳлардим".

Эслатиб ўтамиз, Даниэль Дюбуа сўнгги бор 2025 йилнинг июлида рингга кўтарилган ва ўшанда бешинчи раундда Александр Усикка нокаут билан ютқазганди. Чжан Чжилей 2025 йилнинг февралида Агит Кабайелга нокаут эвазига мағлуб бўлган эди.