Даниель Роман Муроджон Аҳмадалиев билан реванш, вазнни ўзгартириши мумкинлиги ва ўзбек бокси мухлислари ҳақида гапирди

Эслатиб ўтамиз, Роман шу йил бошида ўзбекистонлик Муроджон Аҳмадалиевга мағлуб бўлганди. 

-Салом Дэнни, ўзбек бокси мухлислари учун қисқа интервью бера оласизми? Биламан, бизнинг мухлислар томонидан комментларда сиз томон босимлар бўлган. Лекин ҳақиқий бокс мухлислари, ушбу спорт турини яхши тушунадиганлар сизни жуда ҳурмат қилишади, шу жумладан мен ҳам. Бизга келажакдаги режаларингиз ҳақида гапириб бера оласизми? Карантинни қандай ўтказяпсиз? Бошқа вазн тоифаларида ҳам чемпион бўлиш истагингиз борми?

-Умид қиламанки, барча яна нормал ҳаётга қайтади ва вирус даволанади. Карантин вақтида кўп шуғуллана олмаяпман. Оилам ва ўзимнинг хавфсизлигимизни ўйлаяпман. Имкон даражасида хавфсизликка риоя қиляпман. Ҳа режаларим кўп, вазнимни балки келажакда кўтараман ёки тушираман. Бу йил вирус билан боғлиқ вазият қандай бўлишини кўришимиз керак. 

Муроджон Аҳмадалиевга қарши реванш ўтказишни истардим. Ўзим ва жамоам учун қулай бўлган имкониятларни кўриб чиқаман. 

Ўзбек бокс мухлисларини яхши кўраман. Улар ажойиб ва менга бўлган меҳрларини кўрсатишган. Улар мени қўллаб-қувватлашган. 

Балки келажакда 126 фунтда (-57,15 кг) жанг қиламан, ёки 118 фунт (53,5 кг)га тушарман", - деди Даниель Роман.