Даррен Тилл Чимаев учун яримўрта вазндаги энг хавфли рақибни айтди

Яримўрта вазн тоифасида UFC чемпионлигига собиқ даъвогар, британиялик Даррен Тилл швециялик жамоадоши Хамзат Чимаев учун мазкур вазнда энг хавфли рақиб ким эканини айтди.

"Агар мен яримўрта вазндаги энг қийин жангни айтишим керак бўлса, бу Леон Эдвардс билан бўлади, дердим. Мен Хамзатнинг Леон билан учрашишидан олдин яна бир жанг қилишини истардим", - деди Тилл Chamatkar Sandhu YouTube каналига берган интервьюсида.

Эслатиб ўтамиз, Чимаев сўнгги бор ўтган йилнинг сентябрь ойида америкалик Кевин Холландга қарши жанг қилиб, ғалаба қозонган эди. Эдвардс эса март ойида нигериялик Камару Усманни ҳакамларнинг якдил қарори билан мағлуб этиб, чемпионлик унвонини илк бор ҳимоя қилган эди.