Дарья Касаткина Макаодаги кўргазмали турнир ғолибаси

Даша ҳал қилувчи финал учрашувида хитойлик Синь Ю Ванни икки сетда ҳам бир хил ҳисобда мағлубиятга учратди - 6/4, 6/4. 

Эркаклар ўртасидаги мусобақада эса нидерландиялик Таллон Грикспур бош совринга эга чиқди. У 1/2 финалда америкалик Тэйлор Фритцни 6/3, 6/1, финалда хорватиялик Борна Чорични 6/3, 6/4 ҳисобларида мағлубиятга учратди. Учинчи ўрин учун кечган баҳсда хитойлик Чжичжень Чжан Тэйлор Фритцдан устун келди, -  6/3, 7/6.

Шунингдек, Макаодаги турнир доирасида Европа ва Хитой жамоалари ўртасида тай-брейк форматида мини-мусобақа ташкил этилди. Касаткина ва Чоричдан иборат Европа жамоаси Чжичжень Чжан ҳамда Синь Ю Ван ҳамкорлигини 10:7 ҳисобида мағлуб этди.