23 фев 16:21
Янгиликлар

Дзюдо

Давлат Бобонов қозоғистонлик кучли рақибини енгди

Дюссельдорф "Катта Дубулға" турнирининг сўнгги учинчи кунги беллашувлари ҳамюртларимиз учун муваффақиятли давом этмоқда.

Ҳозиргина -90 кг вазн тоифасидаги дзюдочимиз Давлат Бобонов ҳам иккинчи ғалабасига эришди. Илк даврада тожикистонлик Сиротулло Икромовни иппон баҳоси эвазига таслим этган Бобонов иккинчи босқичда Гран-При ва "Катта Дубулға" турнирлари ғолиб ҳамда совриндори қозоғистонлик Ислам Бозбаевдан ҳам устун келди.

Энди Давлат Бобоновни жиддий синов кутиб турибди. У ёшлар ўртасида икки карра жаҳон чемпиони, грузиялик полвон Лаша Бекаурига қарши татамига чиқади. Бекаури иккинчи босқичда латвиялик рақибини мағлуб этишнинг уддасидан чиқди.