Декабрга мўлжалланган Токио "Катта Дубулға" турнири ўтказилмайди

“Kyodo news” агентлигининг ёзишича, IJF президенти Мариус Визер Бутуняпон дзюдо федерацияси раҳбари Ясухиро Ямашита билан суҳбатлашиб, шундай қарорга келишган. Расмийлар суҳбат чоғида спортчиларнинг саломатлигини сақлаш масаласига асосий урғу беришган.

Ўтган ой IJF дзюдо баҳсларининг рестартини эълон қилган ва унга кўра Токио "Катта Дубулға" турнири 11-13 декабрь кунлари бўлиб ўтиши белгиланган эди. Рестартнинг илк мусобақаси 23-25 октябрь кунлари Венгриянинг Будапешт шаҳрида ўтадиган "Катта Дубулға" турнири билан бошланиши кутилмоқда.