Дэн Хукер: "Ислам Махачевга шараф ва олқиш бўлсин!"

У ярим ўрта вазн тоифасига кўтарилган ва австралиялик чемпион Жек Делла Маддаленага қарши чиқишга қарор қилгани учун унга муносиб баҳо берди.

"Бу Ислам учун жуда жиддий чақириқ. Ярим ўрта вазнга кўтарилишга қарор қилгани учун уни мақтамоқ керак. Шубҳасиз, у вазн тоифасини ўзгартиришга ва Жек Делла Маддалена билан жанг қилишга тайёр эканлиги ҳурматга сазовор.

Бу ҳатто енгил вазн тоифасидаги буюк аралаш яккакураш устаси Хабиб Нурмагомедов ҳам эриша олмаган нарса - икки дивизион чемпиони бўлиш. Шундай экан, унга шараф ва мақтов, чунки бу унинг учун ҳақиқатан ҳам жуда жиддий чақириқ", - деди янги зеландиялик енгил вазнли Хукер Sky Sports Неw Zealand эфирида.

Эслатиб ўтамиз, 15 ноябрь куни Нью-Йорк шаҳрида бўлиб ўтадиган UFC 322 турнирида ярим ўрта вазн тоифаси чемпиони Жек Делла Маддалена даъвогар Ислам Махачевга қарши октагонга чиқади. 22 ноябрь куни Қатарда бўлиб ўтадиган даъвогарлик жангида эса Ден Хукер Арман Царукян билан октагонни бўлишади.