29 янв 12:10
Янгиликлар
Бокс/ММА
Дэн Хукер кейинги жангини яна бир топ даражадаги жангчига қарши ўтказади
Енгил вазн тоифасида янги зеландиялик UFC жангчиси Дэн Хукернинг навбатдаги жанги тафсилотлари маълум бўлди.
У кейинги жангини июнь ойида Бенил Дариушга қарши ўтказади. Бу ҳақда Дэннинг ўзи хабар берди.
"Июнь ойида Бенил Дариуш билан жанг қиламан. UFC йил ўрталарида Австралияда турнир ўтказиши мумкинлиги ҳақида эшитдим, ўз уйимда жанг қилиш ажойиб бўларди.
Дариуш мендан юқори ўринда турибди, у охирги иккита жангида мағлуб бўлди. Шундай экан, кел, оғайни, ажойиб жанг уюштирамиз. У аввалги ҳолига қайта олиши ёки қайта олмаслиги ҳақида гапирганини эшитгандим. Бу борада мен сени синаб кўришим мумкин, Бэнни", - деди Хукер.
Эслатиб ўтамиз, Дэн Хукер сўнгги жангини 2023 йил июль ойида Жалин Тёрнерга қарши ўтказиб, очколар ҳисобига кўра ғалаба қозонган эди.
Ҳавола :
Манба : olamsport.com
Фикрлар