Денис Истомин етиб келди

Хабар берганимиздек, ушбу мусобақада Ўзбекистоннинг биринчи ракеткаси Денис Истомин ҳам иштирок этяпти. Теннисчимиз турнирнинг иккинчи даврасида колумбиялик Сантьяго Жиральдони 6:3, 7:6(7) ҳисобида мағлуб этган эди.

Афсуски, ҳозир якунига етган учинчи босқич баҳсида Истомин италиялик Федерико Гайога ютқазиб қўйди. Бир соату 24 дақиқа давом этган учрашув турнирнинг 8-ракеткаси бўлган Гайо 6:4, 6:2 ҳисобида ғалаба қозонди.  

Таққослаш учун, Денис айни пайтда ATP рейтингида 170, Гайо эса 151-ўринни эгаллаб турибди. Истомин Бангкок турнирида 12-рақам остида сараланган эди. Бугун Гайо ўзаро учрашувлардаги ҳисоб мувозанатини тиклади - 1:1. 2018 йили пойтахтимизда ўтказилган Тошкент Челленжер турнири доирасида Истомин Гайони 6:3, 6:4 ҳисобида мағлуб этган эди.