Денис Истомин: "Осиё ўйинлари олтин медалини Олимпиада медалига айлантириш вақти келди"

“Олимпия ўйинларига биринчилардан бўлиб йўлланма қўлга киритганим жуда муҳим. Энди Осиё ўйинларидаги олтин медални Олимпиада медалига айлантирадиган фурсат етди. Олимпиадага энг яхши тайёргарлик – кўпроқ турнирларда иштирок этиш. Бу мен учун учинчи Олимпиада бўлади ва тушуниб турибманки, катта эҳтимолда сўнгиси ҳам. Шу боис унда бор куч ва маҳоратимни ишга солишга ҳаракат қиламан. Бундай эътибор, ғамхўрлик ва қўллаб-қувватлаш учун ҳукуматимизга ташаккур айтиб қоламан”, – дея Денис Истоминнинг сўзларидан иқтибос келтирмоқда МОҚ матбуот хизмати.