07 мар 17:49
Янгиликлар

Бокс/ММА

Дэвид Бенавидес: "Бивол, Бетербиев ва Канелони овлаш учун чиқдим"

Ярим оғир вазн тоифасида WBC чемпиони, келиб чиқиши мексикалик бўлган америкалик Дэвид Бенавидес ўзининг улкун режалари билан ўртоқлашди.

"Рамирес устидан ғалаба қозонганимдан сўнг, мен боксимизнинг энг яхши йигитларини овлайман. Масалан, Бивол, чунки у ярим оғир вазн тоифасида чемпионлик камарларига эга. Яна бир махлуқ бор - Артур Бетербиев, яна Жей Опетайя ва албатта, Канело. Фаолиятимни якунлаганимда ҳеч ким мени энг яхши эмас деб айта олмайди", - дея Бенавидеснинг сўзларини келтиради Boxing Social.

Эслатиб ўтамиз, Дэвид 2 май куни Лас-Вегасда биринчи оғир вазн тоифасида WBA ва WBO чемпиони Хилберто Рамиресга қарши жанг ўтказади. 29 ёшли Бенавидеснинг ҳисобида 31 та ғалаба (25 та муддатидан олдин) бор. Мағлубият ва дуранги йўқ.