10 авг 14:12
Янгиликлар

Футбол

"Динамо"га янги футболчилар келишда давом этмоқда

Суперлигага қайтишни мақсад қилган Самарқанднинг "Динамо" жамоаси ёзги трансферлар ойнаси вақтида таркибни кучайтириш ишларини бошлаб юборди.

Бизга етиб келган маълумотларга кўра Сергей Лушан ўз жамоасига бир қатор тажрибали ва ёш футболчиларни таклиф қилмоқда. Дарвоза чизиғида рақобатни ошириш мақсадида "Оқ-тепа"дан Эркин Жабборов жалб этилди.

Шунингдек, Обид Жўрабоев ҳам машғулотларга қўшилган. "Хўжанд" билан хайрлашган Андрей Сидоров ҳам айни пайтда "Динамо" билан бирга. Куни кеча жамоа аъзолари "Насаф"га қарши ўртоқлик учрашувида майдонга тушди. Унда томонлар муроса кўчасини танлашди, 0:0. Таркибга яна бир қатор футболчилар келиб қўшилиши кутилмоқда.