05 мар 07:58
Янгиликлар

Шахмат

Дипломатларнинг шахмат баҳсида АҚШ элчилари ғолиб

Республика ихтисослаштирилган болалар ва ўсмирлар шахмат мактабида мамлакатимизда аккредитациядан ўтган дипломатик корпус, халқаро ташкилотлар ваколатхоналари вакиллари ўртасида анъанавий шахмат турнири бўлиб ўтди.

Бу йил ўн тўртинчи бор ўтказилган мазкур шахмат турнирида 84 иштирокчи ғолиблик учун баҳслашди.

Турнирда АҚШнинг Ўзбекистондаги элчихонаси жамоаси биринчи ўринни эгаллади. “Lukoil Uzbekistan Operating Company” масъулияти чекланган жамияти иккинчи ўрин, Франциянинг мамлакатимиздаги элчихонаси учинчи ўринга сазовор бўлди.

Дипломатларнинг шахмат турнири доирасида болалар ўртасидаги шахмат баҳсларида эса Бирлашган Миллатлар Ташкилоти вакили ғолиб деб топилди. Бирлашган Миллатлар Ташкилотининг яна бир вакили иккинчи, Ташқи ишлар вазирлиги дипломатик ваколатхоналарга хизмат кўрсатиш бюроси вакили учинчи ўринни қўлга киритди.

Ғолиб ва совриндорларга медаль, диплом ва эсдалик совғалари топширилди.