14 мар 19:41
Янгиликлар
Каратэ
Достон Отаболаев иккинчи бор Премьер-лига мусобақасининг совриндорига айланди
Туркиянинг Истанбул шаҳрида каратэ бўйича Премьер-лига мусобақаси ўз якунига етиб бормоқда.
Бироз аввал ҳамюртимиз Достон Отаболаев -75 кг вазн тоифасида финал жангини ўтказди.
Маълум қилганимиздек, каратэчимизга ҳал қилувчи беллашувда италиялик Луижи Буса рақиблик қилди. Кескин ва муросасиз кечган беллашувда Отаболaев мағлубиятга учради ва мусобақанинг кумуш медалини қўлга киритди.
Эслатиб ўтамиз, турнирнинг эрталабки дастурида Садриддин Сайматов -60 кг вазн тоифасида бронза медалига сазовор бўлган эди. Шу тариқа терма жамоамиз мусобақани 1 та кумуш ва 1 та бронза медаллари билан якунлади.
Ҳавола :
Манба : olympic.uz
Фикрлар