27 фев 18:08
Янгиликлар

Футбол

Достонбек Турсунов Хитой чемпионатига кўчиб ўтди

Хабарингиз бор, ҳамюртимиз Достонбек Турсунов 2020 йилнинг январь ойидан бери Жанубий Кореянинг "Бусан И'Парк" жамоаси шарафини ҳимоя қилиб келаётган эди.

"Championat.asia"га маълум бўлишича, 25 ёшли ҳимоячи янги мавсумни Хитойнинг "Чунцин Лифань" жамоаси сафида ўтказади. Достон тез орада мазкур клуб сафига қўшилади.

Маълумот учун, "Чунцин Лифань" Хитой Суперлигасининг ўтган мавсумида 6-ўринни эгаллади. Жамоа таркибида Ферандиньо, Марсиньо, Алан Кардек ва Марсело Сирино сингари бразилиялик легионерла бор. Бундан ташқари, яқинда жамоа сафига Осиё майдонларида етарлича тажриба тўплаган польшалик Адриен Миержевский ҳам келиб қўшилган эди.

Достон Турсунов фаолияти давомида "Нефтчи", "Қўқон-1912", "Металлург" ва Япониянинг "Ренофа Ямагучи" жамоасида ҳам тўп тепган эди.