09 май 12:41
Янгиликлар
Теннис
Дўстов ҳам “Қарши Челленжери”да мағлубиятга учради
Хабар берганимиздек, Қарши шаҳрида теннис бўйича “Челленжер” туркумига кирувчи турнирнинг асосий тўр баҳслари давом этмоқда.
Соврин жамғармаси 75 000 АҚШ долларини ташкил қилувчи мусобақада дунёнинг кўзга кўринган теннисчилари иштирок этишяпти. Улар орасида юртимиз теннисчилари ҳам бор.
Улардан бири Фаррух Дўстов ҳозиргина илк босқич баҳсида ҳиндистонлик Нараянасвамига 3:6, 1:6 ҳисобида ютқазиб қўйди. Бироз аввал Жўрабек Каримов чехиялик Марек Яловицдан мағлуб бўлганди.
Эртага турнирда қолган ягона вакилимиз мамлакатимизнинг иккинчи рақамли теннисчиси Санжар Файзиев иккинчи давра учрашувида кортга чиқади. Унинг рақиби қозоғистонлик Дмитрий Попко бўлади.
Ҳавола :
Манба : olamsport.com
Фикрлар