18 окт 14:41
Янгиликлар

Бокс/ММА

Дрикус Дю Плесси: "Чимаев Алекс Перейрага қарши жангда имкониятларга эга бўлмайди"

Ўрта вазн тоифасида собиқ UFC чемпиони Дрикус Дю Плесси август ойида камарини бой берган Хамзат Чимаев ярим оғир вазнга кўтарилмаслиги ва Алекс Перейрага қарши жанг қилмаслиги керак, деб ҳисобламоқда.

"Менимча, Хамзатда Перейрани мағлуб этиш имконияти йўқ, - деди Дю Плесси Fight Forecast’га берган интервьюсида. - Фикримча, Перейра ҳозирда энг яхши жангчилардан бири, умуман олганда, яккакурашнинг барча турларида энг буюкларидан бири. У гавда жиҳатидан ҳам жуда йирик.

Ҳатто яқинда ярим оғир вазн тоифасида Анкалаевга қарши жангда ҳам у шунчаки ақл бовар қилмайдиган даражада катта кўринди. Шунинг учун, буларнинг барчаси шунчаки гап-сўзларга ўхшайди - аслида бундай жанг ҳеч қачон амалга ошмайди".