22 фев 09:15
Янгиликлар

Теннис

Dubai Duty Free Tennis Championships. Свёнтек Свитолинани мағлуб этди

Дунёнинг биринчи ракеткаси Ига Свёнтек БААнинг Дубай шаҳрида ўтказилаётган нуфузли WTA турнирининг чорак финалига йўл олди.

Польшалик теннис маликаси учинчи даврада WTA рейтингида 20-поғонада бораётган украиналик Элина Свитолинани 6/1, 6/4 ҳисобида мағлуб этди. Теннисчиларнинг ўзаро учрашувларида Ига ҳисобда олдинга чиқиб олди - 2:1.

Саксон беш дақиқа давом этган баҳсда Свёнтек ҳам, Свитолина ҳам 4 тадан эйсни амалга ошириб, 1 тадан қўшхатога йўл қўйган. Брейклар польшаликда кўпроқ бўлди - 5 га 2. Энди у 1/4 финалда хитойлик Циньвэнь Чжэнга қарши кортга чиқади.