11 июн 21:12
Янгиликлар

Теннис

Дунёнинг 10-рақамли теннисчиси 214-ракеткага ютқазди

Голландиянинг Хертогенбош шаҳрида теннис бўйича майса қопламали мавсумнинг илк аёллар турнири давом этмоқда.

Сайёрамизнинг 10-ракеткаси Арина Соболенко мусобақанинг илк даврасидаёқ кутилмаган мағлубиятни қабул қилиб олди. Беларуслик теннис маликаси австралиялик Дестани Айявага қарши кортга чиқди ва 1 соату 49 дақиқа давом этган баҳс якунида мағлубиятга учради - 6/7(3), 6/1, 4/6.

Эътиборлиси, 19 ёшли Дестани WTA рейтингида 214-поғонадан жой олган. Айява энди Libema Open турнирининг иккинчи босқичида россиялик Вероника Кудерметовага қарши кортга чиқади.