Дунёнинг 210-ракеткаси Монпельеда тенгсиз бўлди

Монпелье шаҳри мезбонлик қилган мусобақанинг финал учрашувида дунёнинг 210-ракеткаси бўлиб турган франциялик теннисчи рейтингнинг 44-поғонасидан жой олган ҳамюрти Пьер-Юге Эрбердан устун келди. 

Цонга 1 соату 13 дақиқа давом этган финал учрашувда 27 ёшли рақибини 6/4, 6/2 ҳисобида мағлуб этди. Ушбу муваффақиятли иштирок 33 ёшли Жо-Вилфридга 90 390 евро мукофот пули ҳамда 250 рейтинг очкосини тақдим этди. Open Sud de France турниридаги бош соврин Цонга учун фаолиятидаги 17-титул бўлди.