15 май 14:44
Янгиликлар

Теннис

Дунёнинг бешинчи ракеткаси ҳам 1/4 финалга чиқди

Рим "Мастерс" турнирида чорак финал иштирокчилари аниқланди.

Дунёнинг бешинчи ракеткаси бўлиб турган германиялик Александр Зверев тўртинчи даврада ATP рейтингида 53-поғонадан жой олган португалиялик Нуну Боргешдан устун келди - 6/2, 7/5. Бу теннисчиларнинг ўзаро ўтказган илк учрашуви эди.

Саксон олти дақиқа давом этган баҳсда Зверев 9, Боргеш 2 та эйс зарбани амалга оширган. Қўшхатолар ғолиб теннисчида кўпроқ бўлди - 3 га 1. Брейклар бўйича устунлик ҳам Зверев томонда - 4 га 1.

Олмон теннисчиси фаолиятида 28-маротаба "Мастерс" турнирларининг 1/4 финалида ўйнайди. Унинг Internazionali BNL d'Italia бу босқичидаги рақиби америкалик Тэйлор Фритц бўлади.