06 фев 09:49
Янгиликлар

Теннис

Дунёнинг биринчи ракеткаси Қатарга бормайди

Сайёрамизнинг биринчи рақамли теннис маликаси Наоми Осака Қатар пойтахти Доҳа шаҳрида ўтказиладиган турнирга бормайдиган бўлди.

Бунга япониялик теннисчининг жароҳати сабаб бўлди. Бу маълумотни мусобақа ташкилотчилари тасдиқлашди. Қатардаги турнирнинг асосий тўр баҳслари 11 февраль куни старт олади.

“Афсуски, Қатарга бора олмайман. Очиғи, бу турнирни орзиқиб кутаётгандим. Бу мухлислар билан учрашиш учун ажойиб имконият эди. Насиб қилса, келаси йилги турнирда кўришамиз”, - дея Осаканинг сўзларидан иқтибос келтирмоқда Sport24.co.za.