Дунёнинг ёш ракетка усталари Тошкент кортларида беллашмоқда + ФОТОГАЛEРEЯ

Бундан икки кун муқаддам Олимпия захиралари республика теннис мактаби кортларида бошланган халқаро турнир яккалик ва жуфтлик тоифасида ўғил-қизлар ўртасида ташкил этилмоқда.

Халқаро мусобақа икки босқичда — саралаш ва асосий сеткадан иборат бўлиб, саралаш ўйинларида ўғил-қизлар ўртасида 32 нафар спортчи иштирок этди. 
 
Турнирнинг асосий сеткасида 32 нафар ўғил бола ва шунча теннисчи қиз 16 та жуфтликда ғолиблик учун ҳаракат қилмоқда. 
 
Эътиборлиси, Тошкент кортларида совринли ўринлар учун кураш олиб бораётган Қозоғистон, Қирғизистон, Россия, Швейцария, Польша, Италия, АҚШ, Бельгия, Литва, Туркия, Нидерландия, Германия, Ливан, Украина, Франция ва Чехия вакиллари қаторида ўзбекистонлик иқтидорли ёш ракетка усталари Илья Игнатов, Артур Ибрагимов, Амир Милушев, Шаҳноза Мараимова, Анна Хайкис ва Сабрина Олимжонова турнирнинг асосий сеткасида ITF таснифидаги баҳсларда ҳаракат қилмоқда. 
 
Бугун кун давомида асосий сеткадаги дастлабки мусобақалар бўлиб ўтади. 
 
Мусобақалар 22 октябрга қадар давом этади.