UZ

Сўнгги янгиликлар

21:35Жаҳон чемпионатида 7 та медаль билан умумжамоа ҳисобида 1-ўринни эгалладик 0 21:30Ўзбекистон МТЖ "CAFA Nations Cup-2025" турнирини дуранг билан бошлади 0 17:37US Open. Амалдаги чемпион унвон ҳимоясини давом эттирмоқда 0 17:16EЧЛ умумий босқичи тақвими: ўйинлар 16 сентябрдан 28 январгача бўлиб ўтади. "Реал" "Атлетико" билан дербидан 2 кун ўтиб "Қайрат" меҳмони бўлади 0 16:55Барча рақибаларини муддатидан олдин таслим этган Умида Ниғматова жаҳон чемпионати финалида! 0 16:34Озода Собиржонова Мужу Гран-при Челленжи совриндори! 0 16:11US Open. 38 ёшли Новак Жокович 1/8 финалга чиқди 0 15:4440 ёшли Роналду Португалия терма жамоасига чақирилди. Бруно, Феликс, Витинья, Далот ҳам рўйхатда 0 15:18"Тез орада катта янгиликлар бўлади" - Дюбуа 0 14:47Нейт Диаз Оқ уйдаги турнирда Макгрегор билан жанг қилишга тайёр 0 14:03"Saber" жамоаси Москвада клублар ўртасидаги нуфузли мусобақада иштирок этади 0 13:42Ўзбекистон терма жамоаси октябрь ойида Уругвай билан ўйнайди 0 13:21Чайқовчилар Иноуэ-Аҳмадалиев жанги чипталарини 13 баробар қимматга сотишяпти 0 13:00Жаҳон чемпионатининг сўнгги куни олдидан медаллар жамғариш бўйича ҳамон пешқадаммиз! 1 12:39Мераб Двалишвили 50 ёшгача жанг қилмоқчи эканлигини айтди 0

16 июл 12:03
Янгиликлар

Бокс/ММА, Қизиқарли!

Дюбуа — нокаутлар машинаси. У Александр Усикни мағлуб эта оладиган ягона боксчими?

Даниэль Дюбуа – оғир вазн тоифасининг келажакдаги юлдузи.

19 июль куни профессионал боксдаги энг кутилган реваншлардан бири бўлиб ўтади. Александр Усик Даниэль Дюбуага қарши жанг қилади. Жанг Буюк Британиянинг Лондон шаҳридаги "Уэмбли"  стадионида ўтказилади. Ва, албатта, бу тўқнашув бутун бокс дунёсининг диққат марказида бўлади.

Эътиборли жиҳати шундаки, биринчи жангда Усик тўққизинчи раундда нокаут орқали ғалаба қозонган эди. Бироқ бугунги кунда кўпчилик уни реваншда фаворит деб ҳисобламайди. Бунинг асосий сабаби — ўша баҳсли вазият. Жангнинг ярмида Даниэль белдан пастга яқин зарба берган, Усик эса бу ҳолатда қоидалар бузилганини кўрсатишга уринди. Ҳақам Усикка танаффус беришга қарор қилди ва нокдаун ҳисобламади. Усик ўзига келиб олгандан сўнг куч тўплаб ҳужумга ўтди ва ғалабани ўз томонига оғдирди. Бироқ кўплаб мутахассислар ҳали ҳам ўша зарбани қонуний деб ҳисоблайди ва Усик ўша пайтда симуляция ишлатган деб таъкидлайди. 

Исми: Даниэль Дюбуа

Туғилган сана: 1997 йил 6 сентябрь

Туғилган жойи: Гринвич, Буюк Британия

Бўйи: 196 см

Қўллари узунлиги: ёйилганда 198 см

Рекорди: 22 ғалаба – 2 мағлубият

Вазн тоифаси: оғир вазн

Лақаби: Динамит

27 ёшли Дюбуа жисмоний жиҳатдан ажойиб кўрсаткичларга эга. Унинг бўйи 196 см, вазни эса 113 кг. Усик ундан анча енгил ва бу биринчи жангда ҳам сезилиб турган эди. Шунингдек, Даниэлнинг қўл узунлиги 198 см.ни ташкил этади. Унга берилган "Динамит" лақаби ҳам бежиз эмас — унда жуда кучли нокаут зарбалари бор. Кўпчилик у Усикни фақат силкитибгина қолмай, финиш қилиш керак эди деб ҳисоблайди. Уларнинг айтишича, ҳақамнинг хато қарори Усикни профессионал фаолиятидаги биринчи мағлубиятдан қутқариб қолган.

Британиялик боксчи 22 ғалаба ва 2 мағлубиятдан иборат профессионал рекордга эга. Уни Усикдан ташқари ватандоши Жо Жойс ҳам тўхтатиб қолган. Жойс Дюбуани ўнинчи раундда нокаутга учратган. Бошқа рақиблар эса унга жиддий равишда қарши тура олмаган. Энг қизиғи, Дюбуа фақат бир мартагина жангни нокаут билан якунлай олмаган – бу 2018 йилда АҚШлик Кевин Жонсонга қарши бўлган. Ўша жангда ҳам Дюбуа мутлақ устунлик билан ғалаба қозонган.

Дюбуа 27 ёшидаёқ оғир вазн келажагининг асосий юлдузларидан бири сифатида қаралмоқда. Бу бежиз эмас — чунки оғир вазн тоифасидаги боксчилар ўз салоҳиятини асосан 30 ёшдан кейин намоён қилишади. Даниэлдан эса катта натижалар кутилаяпти. У аллақачон кучли рақиблар устидан катта ғалабаларни қўлга киритган: америкалик Жаррел Миллер (26-0-1), хорват Филип Хргович (17-0) ва ватандоши Энтони Жошуани (28-3) мағлуб этилган. 

Дюбуа жангдаги агрессив услуби ва юқори фаоллиги билан ажралиб туради. Ҳа, унинг вазни анча юқори, бироқ у ҳаракатчан ва ўзининг кучли томонларини яхши ишга сола олади. Шунингдек, унда жуда кучли "қотиллик инстинкти" бор — агар рақиб тамом бўлиш ҳолатига келса, дарҳол уни якунлашга уринади. Жошуага қарши жангда айнан шундай бўлган — Дюбуа рақибини тўлиқ йўқ қилган, барча кўрсаткичларда устун келган. Бу — Эй Жейдек ёрқин бокс юлдузига қарши қилинган иш.

Ҳозирча Дюбуа ҳақидаги барча таърифлар бежиз янграмоаётгандек туюлади. Чунки Даниэль – ҳозирги кунда Усикни тўхтатишга қодир ягона боксчи сифатида кўрилмоқда. Бироқ барча саволларга жавобни Александр билан бўладиган реванш беради. Дюбуа бу жангда жуда қаттиқ ва агрессив ҳаракат қилади. У ҳали ҳам биринчи жангда ўзини ғалаба қозонган деб ҳисоблайди. Энди эса ўша зарбани яна такрорлашга ва бу гал ҳакамга хато қилиш имконини қолдирмасликка ҳаракат қилади.

championat.com сайти материаллари асосида тайёрланди

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг