Дзюдо. "Tashkent Grand Slam" турнирининг илк кунида бешта медаль қўлга киритдик

Мусобақанинг илк кунида 5 нафар дзюдочимиз медалларга эга чиқди. 

-60 кг вазн тоифасида Камолиддин Бахтиёров бошқа бир юртдошимиз Баҳром Ботуровни мағлубиятга учратди ва бронза медалига сазовор бўлди. 

-60 кг вазнли Анваржон Иброҳимов Франция вакили Седрич Револдан устун келди ва бронза медалига эга чиқди. 

-66 кг вазн тоифасида Муҳриддин Тиловов бронза учун кечган баҳсда Тожикистон дзюдочиси Нурали Эмомалини таслим этди.

-66 кг вазндаги яна бир "ўзбекча дерби"да Артём Штурбабин Абдукарим Нутфуллоевдан устун келиб, бронза медалини терма жамоамиз ҳисобига қўшиб қўйди.  

-66 кг вазн тоифасида Замоҳшари Бекмуродов финалгача етиб борди ва хал қилувчи баҳсда IJF байроғи остида иштирок этаётган Рамазан Абдулаевга имкониятни бой берди.