Дзюдочи қизларимиз очиқ осмон остидаги "музей"ни зиёрат қилишди ФОТОРЕПОРТАЖ

Урганч шаҳри мезбонлик қилаётган йиғин Тбилиси "Катта Дубулға" турнирига тайёргарлик босқич вазифасини ўтаб бермоқда. Дзюдочи қизларимиз бир кунни маданий хордиққа бағишлашди. Улар мураббийлар ҳамроҳлигида қадим Хива шаҳрини зиёрат қилишди. Очиқ осмон остидаги музей Ўзбекистон дзюдо федерацияси спорт директори, германиялик мутахассис Марко Шпитткада ҳам илиқ таассурот қолдирди. 

Албатта, бу каби маданий тадбирларни ўқув-машғулот йиғини ва мусобақалар оралиғида кўпроқ ўтказиб туриш керак. Спортчи татамидан бироз чалғиб, яхши кайфият билан яна залга қайтади.