06 ноя 15:32
Янгиликлар

Дзюдо

Дзюдочи қизларимиз Урганчда машғулот ўтказишаяпти

Шу кунларда Хоразм вилоятининг Урганч шаҳрида Ўзбекистон аёллар терма жамоасининг ўқув-машғулот йиғини ташкил этилмоқда.

Жамшид Худойберганов мураббийлигида ўтказилаётган ушбу йиғинда Қорақалпоғистон Республикаси, барча вилоятлар ҳамда Тошкент шаҳридан келган жами 53 нафар қизлар иштирок этишаяпти. Улар орасида ёшлар терма жамоаси аъзолари ҳам бор.

Машғулотлар кунига икки маҳалдан ўтказилаяпти. Шунингдек, дзюдочи қизларимиз эрталабки бадантарбия машғулотларида ҳам қатнашишаяпти. Хоразмдаги йиғин ёш дзюдочиларимиз учун 20-22 ноябрь кунлари Тошкентда ўтказиладиган мамлакат биринчилиги, катталар терма жамоамиз учун эса Мўғулистон пойтахти Улан-Батор мезбонлигида ўтажак Осиё чемпионатига тайёргарлик вазифасини ўтаб беради.