Дзюдочиларимиз Ислом цивилизация маркази ва “Ҳумо Арена”да бўлишди ФОТОГАЛЕРЕЯ

Аввалига улар нафақат юртимиз, балки кўпчилик хорижий мамлакатлар халқларининг ҳам тили ва дилидан жой олишга улгурган Ўзбекистондаги Ислом цивилизацияси марказида бўлишди. 

Полвонларимиз Ҳазрати Имом (Хастимом) мажмуасида бунёд этилаётган тарихий марказ биноси билан танишар эканлар, ўзлари учун бой маънавий озуқа олдилар.

Маълумот учун, Марказ учун 9,1 гектар майдон ажратилган бўлиб, бино миллий анъанавий усулда қурилмоқда. Ушбу ҳудудга кираверишда кўзингиз дастлаб “Бу ерда тарих яратилмоқда”, деган ёзувга тушади. 

Дарҳақиқат, бу ерда узоқ кутилган тарихий маскан қад ростламоқда. Марказ биносининг 2020 йил кузда фойдаланишга топширилиши режалаштирилмоқда. 

Шундан сўнг, спортчи ва мураббийларимиз шу йил фойдаланишга топширилган кўп тармоқли “Ҳумо Арена”да ҳам бўлишди. 

Албатта, спортчилар учун бу каби маданий хордиқ жуда ҳам зарур. Ҳар бир инсон ўз ўтмиши, тарихий илдизлари, маданий меросини билиши шарт.