12 фев 09:09
Янгиликлар

Дзюдо

Дзюдочиларимиз Париж шаҳрида қисқа муддатли йиғинга киришишди

Париж "Катта Дубулға" турнирида иштирок этган дзюдо бўйича Ўзбекистон терма жамоаси шу ернинг ўзида қисқа муддатли ўқув-машғулот йиғинини ўтказмоқда.

Ушбу йиғинда Ўзбекистон ва Франциядан ташқари бир нечта давлат дзюдочилари иштирок этяпти. Париж турнирида совриндор бўлган Ҳикматуллоҳ Тўраев (-73 кг) ҳамда Сардор Нуриллаев (-66 кг) Тошкентга қайтишяпти ва табиийки улар Дюсселдорф "Катта Дубулға" турнирида иштирок этишмайди.

Илиас Илиадис бошчилигидаги мураббийлар штаби бу дзюдочиларимизнинг ўрнини Муҳриддин Тиловов (-66 кг) ва Шаҳрам Аҳадов (-73 кг) билан тўлдиришга қарор қилди. Терма жамоамиз делегацияси 13 февраль куни Колонига йўл олади ва машғулотларни Германиянинг ушбу шаҳрида давом эттиради. Режа бўйича 20 февраль санасида йилнинг иккинчи "Катта Дубулға" турнири ўтказилувчи Дюсселдорф шаҳрига етиб борилади.