29 ноя 08:55
Янгиликлар
Бокс/ММА
Эдди Хирн: "Бивол ва Бетербиев ўртасидаги реванш жанги ҳали тайёр эмас"
Британиялик промоутер Эдди Хирннинг айтишича, яримоғир вазнда мутлақ жаҳон чемпиони Артур Бетербиев ва собиқ чемпион Дмитрий Бивол ўртасидаги реванш жанги тасдиқланмаган.
"Ҳозирча бу реванш бўйича имзоланган ва тасдиқланган ҳеч нарса йўқ. Ҳа, ҳаммамиз билганимиздек, Турки ал аш-Шейх биринчи жангдан сўнг дарҳол ҳар икки томонни реванш жангига чақирган ва музокаралар ростдан ҳам ўтказилган эди. Аммо ҳали ҳеч нарса расман тасдиқланмаган. Барча масалалар ҳал бўлиши биланоқ, ўйлайманки, у буни расман ўзи эълон қилади", деди Хирн.
Боксчилар ўртасида 12 октябрь куни бўлиб ўтган илк жангда Артур Бетербиев очколар ҳисобига кўра баҳсли ғалабага эришганди.
Ҳавола :
Манба : championat.com
Фикрлар