Эдди Хирн Боб Арум ва Наоя Иноуэни мухлисларни алдамасликка ва Муроджон Аҳмадалиев билан жанг қилишга чақирди

Аввалроқ, WBA ташкилоти иккинчи энг енгил вазн тоифасида камарга мажбурий даъвогар бўлиб турган ҳамюртимиз Муроджон Аҳмадалиев ҳамда чемпион Наоя Иноуэ жангига расман буйруқ берганди. Бироқ Наоя жамоаси бу жанг режадан ташқарида экани ва улар сентябрь ойида бошқа боксчига қарши жанг қилиши ҳақида гапирди.  

"Мен ўзимни ёмон ҳис қилдим. Ти Жей Дохени менга ёқади. У яхши жангчи эди. У 5 йил олдин Даниль Романга мағлуб бўлган. Бу дивизионда рақобатга эга ягона жанг бу - Аҳмадалиев билан бўладиган жангдир. Кечирасизлар-у, Ти Жей Дохенининг Наоя Иноуэ билан жангида умуман рақобат йўқ. Келинглар, жиддий ёндашамиз. Ти Жей Дохени билан яхши жанг бўлади. У яхши жангчи, Жаҳон чемпиони бўлган. Лекин бизни алдаманг. Рақобатга эга ягона жанг бу Аҳмадалиев билан. У мажбурий даъвогар. Наоя Иноуэ мақтовларга сазовор бўлиши учун ҳам Муроджон билан жанг қилишингиз керак. Бу яхши жанг бўларди. Аҳмадалиев билан жанг қилмасликка сабаб йўқ. Бу юқори даражадаги жанг. Сэм Гудманга ҳам ҳурматни сақлаган ҳолда айтаман, у Наояни енга олмайди. Ҳатто Аҳмадалиев ҳам бу ишни эплай олади, деб айта олмайман. Лекин шуни айтишим мумкин-ки, Муроджонда имконият кўпроқ, қолганларга қараганда", дея вазиятга ўз муносабатини билдирди Эдди Хирн.