27 дек 09:49
Янгиликлар
Бокс/ММА
Эдди Хирн Иноуэ ҳақида: "У камарни вакант қолдиради"
Matchroom Boxing промоутерлик компанияси раҳбари Эдди Хирн иккинчи энг енгил вазн тоифасида мутлақ жаҳон чемпиони япониялик Наоя Иноуэни WBA камарини вакант қолдиришини тахмин қилди.
31 ёшли Иноуэ навбат бўйича WBA камарини мажбурий даъвогардан ҳимоя қилиши керак. Ушбу камарга собиқ чемпион Муроджон Аҳмадалиев мажбурий даъвогар ҳисобланади. WBA ташкилоти боксчилар ўртасидаги жангга икки бор буйруқ берган, аммо чемпионлик тўқнашуви ҳалигача ўтказилмади.
Вазиятга муносабат билдирган Хирн "унинг камарни вакант қолдиришига пул тикаман" деб ёзди.
Аввалроқ, WBA президенти Хильберто Мендоса Наоя Иноуэнинг 24 январь куни бўлиб ўтадиган Сэм Гудманга қарши жангидан 10 кун ўтиб, Аҳмадалиев билан баҳс бўйича келишиб олишларини айтган эди.
Ҳавола :
Манба : twitter.com/EddieHearn
Фикрлар