Эдди Хирн Жошуа - Хелениус жанги ҳақида гапирди

Хирннинг сўзларига кўра, Жошуа аллақачон бундай жангларда тажрибага эга. 2019 йилда у допинг-тестдан ўта олмаган Жаррел Миллер ўрнига сўнгги лаҳзаларда рингга чиққан Энди Руизга муддатидан олдин мағлуб бўлган эди.

"Жошуа катта фаворит, аммо бу оддий эмас. Биласизми, охирги марта Энтони жанги олдидан допинг-тест синови билан боғлиқ муаммолар туфайли рақиб кеч алмаштирилганди. Ўшанда нима содир бўлганди. Албатта, биз шанба куни такрорланишини истамаймиз.

Бу жисмоний ва психологик нуқтаи назардан мен кўрган энг яхши Жошуа. Уни шанба оқшомидаги чиқишини кўрмоқчиман. У Деррик Жеймс билан 12 ҳафта давомида қаттиқ ишлади. Жошуа буни ўтказиб юборишга тайёр эмас эди", - деди Хирн.

Эслатиб ўтамиз, Жошуа ва Хелениус ўртасидаги жанг 12 август куни Лондонда бўлиб ўтади.