Эдди Хирн: "Жошуанинг ёнида янги юзларни кўрасиз"

"Унинг жамоасида бир қанча тўлдиришлар бўлади деб ўйлайман. Бу қарорни шахсан Жошуа қабул қилиши аниқ. Вақти келиб у буни эълон қилади.

Биз у билан бу ҳақида бир неча кун аввал гаплашдик. Тез орада унинг ёнида янги одамларни кўрасиз. Лекин Энтони ўзини яхши ҳис қиляпти деб айта оламан. Ҳозир у шуғулланяпти, ажойиб формага киряпти, у жангга тайёр.

Менинг ишим жангни ташкиллаштириш, уни тарғиб қилиш ва келишувни имзолаш. Тайёргарлик — бу унинг жамоасини иши. Улар ўз ишини тўғри қилишига ишонаман", - деди Хирн.

Усик билан реванш жанги шу йилнинг июнь ёки июль ойида ташкиллаштирилиши мумкин. Хирн жанг тез орада эълон қилиниши мумкинлигини таъкидлади.