11 июн 08:11
Янгиликлар
Бокс/ММА
Эдди Хирн Мадримов - Кроуфорд жангига тахмин билдирди
Matchroom Boxing промоутерлик компанияси раҳбари Эдди Хирн америкалик Теренс Кроуфорд ҳамда супер яримўрта вазнда WBA йўналиши чемпиони Исроил Мадримов ўртасидаги бўлажак жангга тўхталди.
"Ҳар бир жангчи вақти келиб, қарийди. Ҳар бир боксчи бир ёки иккита вазн тоифасига кўтарилади. Бу сафар ҳам вазн кўтарилиши иш берадими? Мадримов ажойиб оёқ ҳаракатларига эга. У қийин, шу билан бирга ажойиб ҳимояга эга. У жуда-жуда қаттиқ ва кучли зарбага эга.
Кроуфорд даҳо эканлигини ҳаммамиз тушунамиз. У биринчи яримўрта вазнда, яримўрта вазн ва энди супер яримўрта вазн тоифасида мутлақ жаҳон чемпиони бўлишни хоҳламоқда. Аммо унинг юрагини синдириш вақти келди", деди Хирн.
Маълумот учун, Мадримов - Кроуфорд жанги 3 август куни АҚШнинг Лос-Анжелес шаҳрида ўтказилади.
Ҳавола :
Манба : xsport.ua
Фикрлар