Эдди Хирн: "Мутлақ чемпионлик унвонини Биволдан ўғирлашди"

"Мутлақ чемпионлик унвонини Биволдан ўғирлашди. Бетербиев жамоаси мағлубиятга учраганини биларди. Мен Бетербиевга нисбатан ҳурматсизлик қилишни хоҳламайман. Артур ва Дмитрий бизнинг авлоднинг икки буюк боксчиларидир. Аммо сиз Бетербиев жамоасининг жангдан кейинги хатти-ҳаракатларига қарасангиз, улар бурчакда туриб, бу жангда мағлуб бўлганликларини тушуниб турганди. 116-112 Бетербиев фойдасига? Ҳакам атиги тўрт раундни Бивол фойдасига берди? Бу – масхаралаш! Дмитрий раундлар бўйича 7-5 ёки ҳатто 8-4 ҳисобида ғалаба қозонди. У бу жангда хотиржамлик билан курашди ва охирида атайлаб бир қанча раундлардан воз кечди, аммо у ғалаба қозонди ва Бетербиев жамоаси буни билади.

Бурчакда, сўнгги раунд олдидан улар Бетербиевга ғалаба қозониш учун Биволни нокаутга учратиш кераклигини айтишганди. Улар Биволдан мутлақ жаҳон чемпиони унвонини ўғирлаб олишганига ишона олмаяпман. Бу – талончилик", деди Хирн.