28 дек 09:04
Янгиликлар
Бокс/ММА
Эдди Хирн Турки ал аш-Шейх билан Муроджон Аҳмадалиев ҳақида гаплашди
Matchroom Boxing раҳбари Эдди Хирн мижози Муроджон Аҳмадалиев кейинги жангини мутлақ чемпион бўлиб турган япониялик Наоя Иноуэга қарши ўтказишини истамоқда.
"Турки ал аш-Шейх Иноуэнинг Саудия Арабистонида жанг қилишини истаяпти. У мендан "Иноуэ учун энг яхши жанг ким билан?" деб сўради. Мен Аҳмадалиев деб жавоб бердим. Бу энг яхши жанг эмас, бу ягона мантиққа эга жанг. Биламан, Турки уларга Аҳмадалиевни рақиб сифатида таклиф қилади. Улар эса Муроджон билан жанг қилишни хоҳламайди", деб ёзди Хирн ўзининг Твиттердаги саҳифасида.
Маълумот ўрнида, Муроджон Аҳмадалиев иккинчи энг енгил вазн тоифасидаги мутлақ чемпион Наоя Иноуэнинг WBA камарига мажбурий даъвогар ҳисобланади.
Ҳавола :
Манба : twitter.com/EddieHearn
Фикрлар