Эдди Хирн Уайлдерга Жошуа билан жанг қилиш таклифини берди

Хирннинг сўзларига кўра, у ҳали Уайдернинг менежеридан жавоб хати олмаган.

"Шелли Финкел билан боғландим. Унга ёзган хатимда Уайлдерга катта таклифим борлигини ва у билан шу масалани муҳокама қилишни сўрадим. Аммо, ҳали жавоб келгани йўқ.

Уларнинг хатти-ҳаракатларини тушунмаяпман. Балки Деонтей мени ёқтирмас ва: "У қанча пул таклиф қилиши менга аҳамиятсиз", деган бўлиш мумкин. Мени қизиқтирган нарса — Уайлдер Финкелга юборган бу хабарим ҳақида биладими? Ким ҳам бундай таклифни билишни истамайди?" - дея Уайлдернинг сўзларини келтиради Boxing Scene.

Шунингдек Хирн, Уайлдер ва Хелениус ўртасидаги жанг ҳақида ҳам ўз фикрлари билан ўртоқлашди.

"Уайлдер Хелениусга қарши жанг қилади. Хелениус муносиб рақиб ва қийин жанг бўлиши аниқ", - дея қўшимча қилди Хирн.

Эслатиб ўтамиз, Деонтей Уайлдер ва Роберт Хелениус ўртасидаги жанг 15 октябрь куни АҚШнинг Бруклин шаҳридаги "Barclays Center" аренасида бўлиб ўтади.