01 окт 10:26
Янгиликлар

Теннис

Эжени Бушар 6 йил деганда French Open 3-даврасига чиқди

Франция пойтахти Париж шаҳрида "Катта Дубулға" туркумига кирувчи "Ролан Гаррос" турнири қизғин давом этмоқда.

Сайёрамизнинг 168-ракеткаси Эжени Бушар олти йиллик танаффусдан сўнг Франция Очиқ чемпионатининг учинчи давра иштирокчисига айланди. Канадалик теннис маликаси иккинчи босқич учрашувида рейтингнинг 788-поғонасидан жой олган австралиялик Дарья Гавриловани енгди - 5/7, 6/4, 6/3.

Икки соату 24 дақиқа давом этган баҳсда 26 ёшли Бушар 5 та эйс зарбасини амалга оширди. Рақибасида бу кўрсаткич нол кўринишида бўлди. Ўзаро учрашувлардаги ҳисоб мувозанати тикланди - 2:2. Эжени Бушар French Open учинчи даврасида польшалик Ига Свёнтекка қарши кортга чиқади.