“Экобоғ”да оммавий спорт-соғломлаштириш тадбири ўтказилди ФОТОГАЛЕРЕЯ

“Ўзбекистонда соғлом турмуш тарзини кенг тарғиб қилиш ва аҳолини жисмоний тарбия ва оммавий спортга жалб этиш тўғрисида”ги Ўзбекистон Республикаси Вазирлар Маҳкамасининг 2019 йил 29 январдаги 65-сонли қарори билан аҳоли ўртасида соғлом турмуш тарзини кенг тарғиб қилишни тизимли йўлга қўйиш, жамиятда соғлом турмуш тарзи тамойилларини янада кучайтириш, ўсиб келаётган ёш авлодни зарарли одатлардан асраш ҳамда ҳар бир маҳалла, таълим муассасалари, меҳнат жамоалари ва бошқаларда жисмоний тарбия ва спорт фаолиятини самарали ташкил этиш вазифаси белгилаб қўйилган.

Тадбирда вазирликнинг аппарат ходимлари, шунингдек, тизимдаги барча Республика ташкилотлари ходимлари ўз оимла аъзолари билан иштирок этишди.

Даставвал тадбир иштирокчилари тетиклаштирувчи бадантарбия машқларига жалб этилди. Сўнгра вазирлик тизимидаги ташкилотларнинг ходимлари ўртасида кросс югуриш мусобақаси ташкил этилди. Унда эркаклар, аёллар, болалар ҳамда фахрийлар гуруҳ-гуруҳ бўлиб мусобақалашди. Бу жараёнда барча фаол бўлишгани таҳсинга лойиқ.

Сўнгра тадбир иштирокчилари, Жисмоний тарбия ва спорт вазирлиги ходимлари ва уларнинг оила аъзолари иштирокида “Отам, онам ва мен – спортчилар оиласи” спорт мусобақалари ташкил этилди. Айниқса тадбир доирасидаги арқон тортиш, тош кўтариш, куч синашиш (армрестлинг) мусобақалари барчада бирдек қизиқиш уйғотди.

Хуллас, эрталабдан бошланган оммавий спорт-соғломлаштириш тадбирлари тушгача давом этди. Унда ғолиб чиққанлар табиийки ташкилотчилар томонидан эсдалик совғалари билан тақдирланди. Бироқ, “Экобоғ”да ўтказилган тадбирдан ҳеч ким ютқазмади. Негаки бундай оммавий спорт-соғломлаштириш тадбирлари ёшу кексани спортга ошно тутинишига, соғлом турмуш тарзини ҳаёти мазмунига айланишига хизмат қилади.