"Эль Класико" олдидан "Барселона"да жиддий йўқотиш

"Барселона" "Гранада" билан ўйинда (2:2) нафақат очко, балки асосий ҳимоячиси Жюль Кундени ҳам йўқотди. Франциялик футболчи чап тиззасидаги шикастланиш сабабли камида бир ойни ўтказиб юборади, деб хабар берди "Mundo Deportivo". Демак, Кунде 28 октябрь куни "Реал"га қарши "Эль Класико"ни аниқ ўтказиб юборади.

Қайд этиш жоиз, франциялик футболчи жамоадоши Гави унинг оёғи устига йиқилгач, жароҳат олди. Шу тариқа, Жюль Кунде "Барселона" лазаретидаги Педри, Френки де Йонг, Рафинья ва Роберт Левандовски қаторига қўшилди.