20 янв 18:01
Янгиликлар
Футбол
Элдор Шомуродов: "Ҳозир фақат "Истанбул Башакшеҳир" ҳақида ўйлаяпман"
Ўзбекистон терма жамоаси ҳужумчиси Элдор Шомуродов нима сабабдан Италия А Сериясидан Туркия Суперлигасига ўтиб, "Истанбул Башакшеҳир"ни танлаганини тушунтириб берди.
"Мен "Истанбул Башакшеҳир"ни кўпроқ ўйин амалиётига эга бўлиш учун танлаганман. Мураббийлар штаби ва жамоанинг ўйин услуби менда жуда катта таассурот қолдирди. Ҳозир мен фақат "Истанбул Башакшеҳир" ҳақида ўйлаяпман. Лигадаги бошқа ҳеч бир жамоа вариантини кўриб чиқмадим", – деди футболчи.
Шомуродов ўтган ёзда "Рома"дан "Истанбул Башакшеҳир"га ижара асосида ўтганди. Битим қиймати 3 миллион еврога тенг бўлиб, турк клуби футболчини тўлиқ сотиб олиш ҳуқуқини ҳам қўлга киритган.
Трансфер ўзини тўлиқ оқлади: 30 ёшли ҳужумчи Суперлигада 18 ўйинда 13 та гол урди ва Туркия чемпионати тўпурарлари рўйхатида пешқадам бўлиб турибди. У ҳатто юлдуз Виктор Осимхенни ҳам ортда қолдирган — унда 6 та гол бор.
Ҳавола :
Манба : Anadolu Agency
Фикрлар