18 фев 18:19
Янгиликлар

Спорт курашлари

Елмурат Тасмурадов 5 карра Осиё чемпиони!

Ҳиндистонда спорт курашлари бўйича Осиё чемпионати ўтказилмоқда.

Аввалроқ, юнон-рум кураши бўйича -63 кг вазн тоифасида юртимиз шарафини ҳимоя қилаётган Елмурат Тасмурадов финалгача етиб келгани ҳақида хабар қилгандик.

Ҳозиргина ҳамюртимиз мусобақадаги финал жангини ўтказди. Жанубий Корея терма жамоаси вакили Жинсеуб Сонгга қарши жангда Тасмурадов 9:0 ҳисобида ғалаба қозонди ва олтин медални қўлга киритди.

Ушбу медаль орқали Елмурат Тасмурадов фаолиятида бешинчи маротаба Осиё чемпионати ғолибига айланди.

Эслатиб ўтамиз, аввалроқ -55 кг вазнли спортчимиз Жасурбек Ортиқбоев кумуш медалга сазовор бўлганди.